வானவல்லி – வாசகர் கடிதம்

அன்புள்ள தம்பி வெற்றிவேல் அவர்களுக்கு,

உங்களது வானவல்லி வரலாற்றுப் புதினத்தை முழுவதும் படித்தேன். கரிகாலரின் வாழ்க்கை வரலாற்றை சித்தரிக்கும் இந்தப் புதினம் ஆரம்பம் முதல் இறுதி வரை அழகாகவும் தொய்வில்லாமலும், விறுவிறுப்பாகவும் இருந்தது. ஒவ்வொரு பாகமும் ஒவ்வொரு விதத்தில் அருமை. தங்களின் முதல் நாவல் என்றால் என்னால் நம்ப முடியவில்லை. அந்த அளவிற்கு, எழுத்துப் பணியிலேயே ஊரியவர்கள் எழுதியதை போன்று இருந்தது. மேலும் அனைவரும் புரிந்து கொள்ள முடிகின்ற எளிய நடையில் எழுத்தியமைக்கு மிகவும் நன்றி. முதல் பாகத்தில் விறலி வரும்பொழுது அவளது அணிகலன்களையும், மற்ற வசதியுள்ள பெண்கள் அணியும்  அணிகலன்களையும் தனித்தனியாக வர்ணனை செய்துள்ளீர்கள். அதில் நீங்கள் குறிப்பிட்டுள்ள பெயர்களைப் படிக்கும்பொழுது அணிகலன்களுக்கென்று இத்தனை பெயர்களா? என்று வியந்தேன். பிறகு விறலி  பற்றி படிக்கும்பொழுது  அவள் கூறிய ஒரு வார்த்தை பின்னால் எவ்வளவு பெரிய வெற்றியின் வித்து என்று  மகிழ்ந்தேன்.

மேலும் படிக்க…

விறல்வேல் வீரனுக்கோர் மடல் – பதில் கடிதம்

பேரன்புள்ள நண்பனுக்கு,

வணக்கம். நான் நலம் நண்பா. நீயும் நலமாக இருப்பாய் என்று நம்புகிறேன்.

கடிதத்தைத் தொடங்கும் முன்பு எனது நல்வாழ்த்துகளை உனக்குத் தெரியப்படுத்திக் கொள்கிறேன். திருமண நல்வாழ்த்துக்கள் நண்பா. ‘செம் புலப் பெயல் நீர் போல; அன்புடை நெஞ்சம் தாம் கலந்தனவே’  என்ற சங்கத் புலவனின் வாக்கினைப் போன்று தாங்கள் இருவரும் மகிழ்ச்சியுடனும், அன்புடனும் வாழ வாழ்த்துகிறேன். நீ உனது திருமணச் செய்தியை அனுப்பியபோது என்னால் வாழ்த்து மட்டுமே தெரிவிக்க முடிந்தது. நேரில் வந்து வாழ்த்த விரும்பியும், இயலாமல் போய்விட்டது. தொடர்பு கொண்டு பேசவும் இயலவில்லை. உனது இல்வாழ்க்கை எப்படி சென்று கொண்டிருக்கிறது நண்பா? முதலில் வாழ்த்து சொல்லி உனக்கு நான்தான் கடிதம் எழுதியிருக்க வேண்டும். ஆனால், எனது நிலை அதற்கு இடம் கொடுக்கவில்லை. ஓயாத அலைச்சல், பணிச்சுமை என்று நினைத்ததை செயல்படுத்த இயலவில்லை. எதிர்பாராத நேரத்தில் கண்ட உனது கடிதம் எனக்கு பெரும் மகிழ்ச்சியை அளித்தது என்பதை நான் கூறி நீ அறிந்துகொள்ள வேண்டியது இல்லை என்று கருதுகிறேன்.

மேலும் படிக்க…

விறல்வேல் வீரனுக்கோர் மடல்!

அன்பு நண்பன், உடன் பிறவா சகோதரன் விறல்வேல் வீரன் வெற்றிவேல் – அவர்களுக்கு சிகரம்பாரதி எழுதும் கடிதம். நலம், நலமறிய ஆவல்.
முதலில்  உனக்கு ( ஒருமை உரிமை உண்டென எண்ணுகிறேன் ) என் இதயம் கனிந்த நன்றிகள். நன்றிகளுடன் மடல் துவங்குவதேன் என எண்ணுகிறாயா? மிக நீண்ட காலத்தின் பின் வலையுலகில் மீள் பிரவேசம் செய்திருக்கிறேன். காரணம் நீதான். நீ தந்த தொடர் உற்சாகம் தான் வலைப்பக்கம் என்னை இழுத்து வந்திருக்கிறது. இன்னுமோர் உப காரணமும் உண்டு. உனக்கிருக்கக்கூடிய எத்தனையோ நண்பர்களையெல்லாம் விடுத்து உன் கவிதையை திருத்தம் செய்ய என்னைத் தேர்ந்தெடுத்ததும் திருத்தம் செய்தபின்னும் பிரசுரத்திற்காய் என் அனுமதி வேண்டி நின்றதும் எனக்குள் ஒரு புது உற்சாகத்தை ஏற்படுத்தியிருக்கிறது. நமக்காக துடிக்கும் இதயமே ஒருவரின் உச்ச நம்பிக்கையாக இருக்கக்கூடும். நன்றி நண்பனே!

மேலும் படிக்க…